06 ნოემბერი 2024
ბრეკეტებით მკურნალობა
ბრეკეტებით მკურნალობა ერთ-ერთი ყველაზე პოპულარული მეთოდია კბილების სწორი პოზიციის მისაღწევად.
ეს პროცესი, არა მხოლოდ ესთეტიკური თვალსაზრისითაა მნიშვნელოვანი, არამედ ხელს უწყობს პირის ღრუს ჯანმრთელობას. კბილების სწორი პოზიცია უზრუნველყოფს კბილების გრძელვადიან ჯანმრთელობას და ეხმარება მათ უფრო სწორად ფუნქციონირებაში.
ბრეკეტები გამოიყენება კბილების თანმიმდევრული და თანაბარი გადანაცვლებისთვის. ბრეკეტები კბილებს, სწორი პოზიციისკენ მექანიკურად ამოძრავებს. მკურნალობის ხანგრძლივობა დამოკიდებულია მდგომარეობაზე და თითოეულ შემთხვევაში ინდივიდუალურია.
რა სარგებელი აქვს ბრეკეტებს?
- კბილების სწორად განლაგება – კბილების სწორი პოზიცია აუმჯობესებს ღეჭვას და ხელს უშლის კბილების ზედმეტ გაცვეთას.
- პირის ღრუს ჰიგიენის გაუმჯობესება – სწორად განლაგებული კბილები იწმინდება უფრო მარტივად და ეფექტურად.
- საერთო ჯანმრთელობა – კვლევებით დადასტურებულია, რომ პირის ღრუს პრობლემები დაკავშირებულია სხეულის სხვადასხვა დაავადებებთან.
რა ასაკშია რეკომენდირებული ბრეკეტებით მკურნალობა?
ბრეკეტებით მკურნალობა შესაძლებელია, როგორც ბავშვებში, ასევე ზრდასრულებში. სასურველია, რომ მკურნალობა დაიწყოს მოზარდობის პერიოდში, რადგან ამ დროს კბილების და ყბის ზრდა აქტიურია და პოზიციის შესწორება შედარებით მარტივია, თუმცა, შედეგი ზრდასრულებშიც ეფექტურია.
ხშირად დასმული კითხვები ბრეკეტებთან დაკავშირებით:
რა დრო სჭირდება ბრეკეტების მკურნალობას?
მკურნალობის ხანგრძლივობა ინდივიდუალურია და შეიძლება 12-დან 24 თვემდე გაგრძელდეს.
მტკივნეულია თუ არა ბრეკეტების ტარება?
პირველი რამდენიმე დღე ან კვირა შეიძლება იყოს დისკომფორტი, თუმცა დროთა განმავლობაში პაციენტი ეჩვევა.
