დენტალური იმპლანტაცია

რა არის დენტალური იმპლანტი?

დენტალური იმპლანტი არის ტიტანის ხელოვნური ფესვი, რომელიც ყბის ძვალში თავსდება და საყრდენია ხელოვნური გვირგვინის. შედეგი — კბილი, რომელიც გარეგნულად, შეგრძნებითა და ფუნქციით ბუნებრივს ემსგავსება.
იმპლანტაცია დღეს ყველაზე სანდო გადაწყვეტილებაა დაკარგული კბილის აღსადგენად — ხიდისა და პროთეზისგან განსხვავებით, მეზობელ კბილებს არ ეხება და ყბის ძვალს ინარჩუნებს.

ვისთვისაა იმპლანტაცია?

იმპლანტაცია შესაფერისია თუ დაკარგული გაქვთ ერთი, რამდენიმე ან ყველა კბილი. ასევე — თუ მოსახსნელი პროთეზი დისკომფორტს გიქმნით, ან გსურთ მუდმივი, ბუნებრივი გამოსავალი.

შეზღუდვები შეიძლება იყოს ძვლის არასაკმარისი მოცულობის ან გარკვეული სისტემური დაავადებების შემთხვევაში — ეს ფასდება კონსულტაციასა და 3D კვლევაზე.

რა ბრენდის იმპლანტებს ვიყენებთ?

რენომეში გამოიყენება სერტიფიცირებული, კლინიკურად შემოწმებული იმპლანტები — iZen (კორეა) , Osstem (კორეა), MIS (ისრაელი), Straumann (შვეიცარია) და Zimmer (ამერიკა). კონკრეტული ბრენდის არჩევანი ხდება კონსულტაციაზე, ინდივიდუალური მდგომარეობის მიხედვით.

რა ღირს იმპლანტაცია?

ფასი დამოკიდებულია იმპლანტის ბრენდზე,  საჭირო ეტაპების რაოდენობასა და შემთხვევის სირთულეზე. ზუსტი ღირებულება განისაზღვრება კონსულტაციისა და 3D კვლევის შემდეგ.

ხშირად დასმული კითხვები

მტკივნეულია იმპლანტაცია?

- არა. პროცედურა ტარდება ადგილობრივი ანესთეზიით. შეხორცების პერიოდში შესაძლებელია მსუბუქი დისკომფორტი, რომელიც 2–3 დღეში გადის.

 რამდენ ხანს ძლებს იმპლანტი?

თავად იმპლანტი სიცოცხლის განმავლობაში ძლებს — იმ პირობით, რომ პირის ღრუს ჰიგიენა სწორია და სტომატოლოგთან რეგულარული შემოწმება გრძელდება. ტიტანი ბიოთავსებადია, ძვალს ერწყმის და დროთა განმავლობაში არ იშლება.

რამდენ ხანს გრძელდება მთლიანი პროცესი?

 - იმპლანტის ჩასმა ხდება ერთ ვიზიტზე. შემდეგ იწყება შეხორცების პერიოდი, რომელიც გრძელდება 4–6 თვე — ამ დროის განმავლობაში იმპლანტი ძვალს ერწყმის. მხოლოდ ამის შემდეგ მაგრდება მუდმივი გვირგვინი.